Зам, тээврийн хөгжлийн сайд С.Бямбацогт Улаанбаатар-Дархан чиглэлийн замын гүйцэтгэгч нар, хяналт тавьж буй зөвлөх компани, ажил хариуцсан хүмүүстэй уулзаж тулгамдсан асуудлуудыг сонслоо. Нийт найман компани 700 орчим машин техник 1500 шахам хүн хүчтэйгээр ажиллаж, таван багц ажлаас хоёр болон дөрөвдүгээр багцын ажил хоцрогдолтой байна. Гол шалтгаан нь цементийн тасалдал бөгөөд нэг өдөрт 1000 тонн цемент шаардлагатай байтал олдож байгаа нь 400-500 тонн байна.

 Сайд тасалдаад байгаа цементийн ханган нийлүүлэлтийг таслалдуулахгүй байхад анхаарч, энэ жилдээ багтаж хоёр эгнээний хөдөлгөөнийг нээхээр ажиллана гэв.