Богдхан уулын түргэний аманд хууль бусаар 3.8-4 тонн самар түүлгэж, түүнийгээ дамлан зарах гэж байсныг есдүгээр сарын 1-нд хийсэн шалгалтаар илрүүлж, таслан зогсоожээ. Богдхан уулын дархан цаазат газрын хамгаалалтын захиргаанд ажиллаж байгаад халагдсан алба хаагч самрын наймаачидтай хуйвалдаж, самрын хууль бус наймаа хийж байсныг удаа дараагийн үйлдлээр тогтоож, хууль хяналтын байгууллагад шилжүүлсэн байна. Тус хамгаалалтын захиргааны даргын 2022 оны наймдугаар сарын 3-ны 01 тоот удирдамжийн хүрээнд Байгаль орчны хяналтын улсын байцаагч нар байнгын хяналт шалгалт хийж байгаа аж.