Ерөнхий сайд Л.Оюун-Эрдэнэ, БШУ-ны сайд Л.Энх-Амгалан, нийслэлийн Засаг дарга бөгөөд Улаанбаатар хотын захирагч Д.Сумъяабазар нар “Нарны үрс” цэцэрлэгийн үйл ажиллагаатай танилцлаа. Энэ үеэр , БШУ-ны сайд Л.Энх-Амгалан дараах мэдээллийг хийлээ.

Тэрбээр “Ерөнхий сайд Оюун-Эрдэнийн засгийн газар ерөөсөө сугалааны цэцэрлэгийн тогтолцоог халах зорилготой яваа.  Манай улс сүүлийн 20 гаруй жил сугалааны тогтолцоогоор явсан. Тиймээс 20 жил дагтаршсан энэ зүйлийг нэг жилийн хугацаанд өргөс авсан юм шиг  арилгана гэдэг хэцүү. Гэхдээ энэ жил Улаанбаатар хотод 38 мянган цэцэрлэгийн насны хүүхэд байгаа гэсэн тоо гарсан. Бид үүнээс 34 мянганыг хамруулаад байна. Үлдсэн хүүхдүүд цэцэрлэгт бүрэн хамрагдана. Гэхдээ есдүгээр сарын нэгэнт биш. Энэ сарын 15-аас эхлээд арваннэгдүгээр  сарын 1-н хүртэл үе шаттайгаар бүрэн хамруулна” гэв.