Сагсан бөмбөгийн U18 насны Ази тивийн аварга шалгаруулах тэмцээн энэ сарын 5-11-нд Энэтхэгийн Бангалор хотод болно. Тус тэмцээнд Монголын өсвөрийн шигшээ баг анх удаа оролцох гэж байна. Монгол Улсын баг хэсэгтээ Хонконг, Малайз, Йорданы багтай тоглох юм байна. Сагсан бөмбөгийн U18 насны Ази тивийн аварга шалгаруулах тэмцээнд өрсөлдөх Монгол Улсын өсвөрийн шигшээ багийн бүрэлдэхүүнд Г.Анударь, А.Хонгорзул, Ц.Саранцэцэг, Э.Энхбуян, Н.Намуундарь, Б.Нямцэцэг, Б.Болор-Эрдэнэ, Б.Цэрэндолгор, Г.Энхжин, Н.Нандинхүслэн, Т.Халиун, Б.Номин нар багтжээ.