Нийслэлийн Онцгой байдлын газарт өнөөдөр буюу 29-ний өглөө орсон борооны улмаас Баянзүрх дүүргийн наймдугаар хороо, “Ус-15”-ын орон сууцуудын дунд их хэмжээний ус тогтож, хүндрэлтэй нөхцөл байдал үүсээд байна гэсэн дуудлага мэдээлэл иржээ.

    Дуудлагын дагуу Гал түймэр унтраах, аврах 63 дугаар ангийн бэлтгэл ээлжийн алба хаагчид ажиллаж, 350 м.кв талбайд хуримтлагдсан 30 тонн усыг зайлуулж, иргэдийн аюулгүй байдлыг ханган ажиллалаа гэж нийслэлийн Онцгой байдлын газраас мэдээллээ.