Олон улсын сансар судлалын түүхэнд дахин нэг үйл явдал түүхэнд бичигдэх гэж байна. АНУ-ын “NASA” агентлаг сарыг судлах "Artemis-1" төслийн хүрээнд "Орион" хүнгүй сансрын хөлгийг  сар руу илгээхээр бэлтгэж байна. Тус сансрын хөлөг нь саран дээр дахин хүн буулгах зорилго гэнэ. Туршилтын нислэгийг 2022 оны наймдугаар сарын 29-ний өдөр 50 жилийн өмнө “Аполло 10” сансрын хөлгийг хөөргөсөн Кеннедигийн сансрын төвийн хөөргөх цогцолбор 39Б-аас эхлүүлэхээр төвлөсөн байна.

    “Орион” нь НАСА-гын “Артемис 1” хөтөлбөрт ашиглах хэсэгчлэн, дахин ашиглах боломжтой сансрын хөлөг юм. “Орион”-ыг анх 2000 оны эхээр Lockheed Martin компани “НАСА”-гийн Constellation хөтөлбөрт ашиглах Crew Exploration Vehicle санал болгон зохион бүтээжээ. “Орион” сансрын хөлөг дулааны бамбайгаар хамгаалагдсан ба дэлхийн агаар мандалд буцаж, Номхон далайд буух болно. Энэ нислэгийн үеэр хүнгүй “Орион” сансрын хөлөг дэлхийн хамгийн хүчирхэг пуужин дээрээс хөөрч, гурван долоо хоног орчим хугацаанд хүн төрөлхтөнд зориулан бүтээсэн сансрын хөлгүүдээс илүү хол зайд сарнаас цааш хэдэн мянган бээрийн зайг туулах юм.