Монгол Улс 2022 оны есдүгээр сарын 16-19 өдрүүдэд АНУ-ын Нью-Иорк хотноо “Хувьсаж буй боловсрол” сэдвийн дор зохион байгуулагдах НҮБ-ын чуулганд “Боловсролын цахим шилжилт” тусгайлсан арга хэмжээг зохион байгуулах эрхээ баталгаажууллаа.

    Энэхүү арга хэмжээг НҮБ-ын Хүүхдийн сан дэмжиж ажиллаж байгаа бөгөөд олон улсын хөгжлийн байгууллага, Google гэх мэт томоохон компаниудыг урьж оролцуулахаар төлөвлөж байна.

    “Боловсролын цахим шилжилт” тусгайлсан арга хэмжээний үеэр боловсролын салбарын сайн туршлагыг олон улсад түгээн дэлгэрүүлэх, тэр дундаа боловсролын салбарт КОВИД-19 цар тахлын үеэр төр, хувийн хэвшлүүдийн боловсруулж, хөгжүүлсэн, түгээн дэлгэрүүлж тодорхой үр дүнд хүрсэн туршлага, үйл ажиллагааг танилцуулж, цахим шилжилтээр дэлхийд тэргүүлж буй орон, олон улсын байгууллага, EdTech компаниудаар хэлэлцүүлэх юм