Хөгжлийн банкны хэрэгт холбогдсон эхний ээлжийн 80 гаруй хүнийг прокурорт шилжүүлжээ. Тодруулбал, Хөгжлийн банкны албан тушаалтнууд нөлөө бүхий хүмүүстэй хамтарч эрх мэдэл, албан тушаалын байдлаа урвуулан ашиглаж, хамаарал бүхий компаниудад зээл олгож, их хэмжээний хохирол учруулсан хэрэг гарсан.

   Дээрх хэргийг Нийслэлийн прокурорын газар, Авлигатай тэмцэх газраас хамтарсан ажлын хэсэг гарч,  хэрэг бүртгэл нээж, шалгасан. Дээрх хэргийн хяналт, шалгалтын үеэр улс төрд нөлөө бүхий таван хүн, Хөгжлийн банкны болон бусад төрийн байгууллагын эрх бүхий 51, аж ахуйн нэгжийн 24 хүнд Эрүүгийн хэрэг үүсгэн яллагдагчаар татсан. Мөн Хөгжлийн банкны албан тушаалтан, аж ахуйн нэгжийн найман хүнийг цагдан хорьсон байдаг.  Мөрдөн шалгах ажиллагааны явцад гэмт хэрэг үйлдэж олсон хөрөнгө, орлогыг хураан авах, улсад хохирсон хохирлыг нөхөн төлүүлэх зорилгоор 47 аж ахуйн нэгж, тэдгээрийн хувьцаа эзэмшигч болон Хөгжлийн Банкны албан тушаалтан нийт 61 иргэний 664 ширхэг үл хөдлөх хөрөнгө, 763 тээврийн хэрэгсэл, арилжааны банкууд дахь 104 харилцах, хадгалах данс болон 25 аж ахуйн нэгжийн хувьцааны шилжилт хөдөлгөөнийг прокурорын зөвшөөрлөөр хязгаарласан байдаг.