Загийн газрын ээлжит хуралдааны шийдвэрийг танилцууллаа. Энэ үеэр Сангийн сайд Б.Жавхлан Эрдэнэт үйлдвэрлэлийн хувьчлал болон Хөгжлийн банкны зээлийн эргэн төлөлтийн талаар мэдээлэл хийлээ.

Тэрбээр “Сангийн яамнаас гурван танилцуулга хийсэн. Өнөөдрийн Засгийн газрын хуралдаанаар 2017 оны УИХ-ын 23 дугаар тогтоол буюу "Эрдэнэт Үйлдвэр" ХХК, "Монголросцветмет” ХХК-ын 49 хувьтай холбоотой өр төлбөрийг харилцан суутгах, хэлэлцэл хийх замаар өр төлбөрийг харилцан тохиролцоо хийж  барагдуулах 2018 оны ҮХЦ-ийн дүгнэлт зэргийн биелэлтийг хангах шийдвэр гаргасан.Эхний шийдвэр 2022 оны зургадугаар сард  166 тэрбум төгрөгийн суутгал хийсэн. Энэ удаа Худалдаа хөгжлийн банкнаас Монгол банканд төлөх 480 тэрбум төгрөгийг суутгаж авснаар өмнө 166 тай нийлээд 580 гаруй тэрбумыг харилцан суутгахаар боллоо.Ингэснээр "Эрдэнэт" үйлдвэрийг 100 хувь Монгол Улсын өмч болгох томоохон алхам хийлээ. Дараагийн харилцан суутгал хийх талаар зөвшилцөнө. Хөгжлийн банкны чанаргүй зээлийн эргэн төлөлтийн явц долдугаар, наймдугаар сард багассан. Төрийн өмчин компаниудын чанаргүй зээлийг эргэн төлүүлэхэд анхааруулахаар салбарын сайдуудад үүрэг өглөө. Мөн Ерөнхий сайд Л.Оюун-эрдэнийн зүгээс  хувийн хэвшлийн байгууллагуудын  чанаргүй зээлийг төлүүлэх арга хэмжээ авахыг даалгасан.  Үүнтэй холбоотойгоор “Эрэл” ХХК, “Шинэ Яармаг” төслүүдийн эргэн төлөлтөд албадлагын арга хэмжээ авч барьцаа хөрөнгөд нь халдан хурааж авах чиглэл өгсөн.  авч хөрөнгийг хураан авч хохиролгүй болгохыг даалгасан. Одоогоор Хөгжлийн банкны чанаргүй зээлийн 515 тэрбум төгрөг төлөгдсөн байна” гэв.