Засгийн газрын хуралдаанаас гарсан шийдвэрүүдийг танилцуулж байна. Энэ үеэр Хүнс, хөдөө аж ахуй, хөнгөн үйлдвэрийн сайд З.Мэндсайхан мэдээлэл хийлээ.

       Тэрбээр "Өнөөдрийн Засгийн газрын хуралдаанаар 2022 оны ургацын урьдчилсан балансыг танилцууллаа. Энэ оны ургацын урьдчилсан балансаар 470.3 мянган тонн үр тариа, үүнээс 441.4 мянган тонн улаан буудай, 234.1 мянган тонн төмс, 125.8 мянган тонн хүнсний ногоо, 55.7 мянган тонн тосны ургамал, 104.4 мянган тонн тэжээлийн ургамал хурааж авахаар урьдчилсан төлөв гарч байна. Үүнээс үзэхэд дотоодын уулаан буудай болон төмсний хэрэгцээг бүрэн хангаж чадахаар байна. Засгийн газраас намрын ургац хураалттай холбоотойгоор оюутан цэргийн алба хаагчдыг ажиллуулахаар шийдвэрлэсэн. Нийтдээ 1500 гаруй оюутан албан хаагчид Төв аймаг болон Сэлэнгэ аймат ажиллаж байна. Энэ жилийн хувьд ургацын болц технологийн хугацаанаас таваас долоо хоногоор түрүүлж явж байгаа нь ургацын хураалт эерэг нөлөөтэй явагдана гэж харж байна. Хүнсий ногооны хувьд 31 томоохон байршилд Улаанбаатар хотод хүнсний ногооны өргөтгөсөн худалдаа зохион байгуулах шийдвэр гаргасан. Энэ хүрээнд нийслэлтэй хамтран зохион байгуулах арга хэмжээг авч байна. Өнгөрсөн зургадугаар сарын 8-ний өдрийн Засгийн газрын 32-р тэмдэглэлээр дулааны аргаар боловсруулсан махны мах, махан бүтээгдэхүүнийг экспортод гаргахыг хориглосон. Үүнтэй холбоотой мэргэжлийн хяналт болон холбогдох байгууллагууд шалгалт хийж дууссан. Шалгалтаар экспортын эрхтэй 11 аж ахуй нэгжийн дулааны аргаар боловсруулсан 5720 тонн мах , долоон аж ахуй нэгжийн 3817 тонн мах буюу нийтдээ 10 мянга орчин тонн махыг экспортод гаргах эрүүл ахуйн шаардлага хангасан гэж үзээд өнөөдрийн хуралдаанаар шийдвэрлэлээ. Цаашдаа үүн дээр ямар нэгэн хориг арга хэмжээ авахгүй. Хүнсний ногооны үнийн өсөлтийг аль болох бага байлгах тал дээр засгийн газар холбогдох арга хэмжээг авч байгаа. Энэ хүрээнд хүнсний ногооны нийлүүлэлтийг 10 орчим хувиар нэмэгдүүллээ" гэв.