Говь-Алтай аймгийн Есөнбулаг сумд тарваган тахлын сэжигтэй тохиолдол илэрсэнтэй холбоотойгоор Говь-Алтай аймгийн онцгой комиссоос мэдээлэл хийлээ. 

           Аймгийн онцгой комисс “Өнөөдөр буюу наймдугаар сарын 22-ны өдөр сэжигтэй тохиолдол илэрсэн тус иргэнээс шинжилгээ аван Эрүүл мэндийн яамнаас Зооноз өвчин судлалын төврүү илгээсэн. Сэжигтэй тохиолдол илэрсэн тухайн хүн наймдугаар сарын 20-ны өдөр тарвага агнаж идсэн бөгөөд түүний дараа Есөнбулаг сумын зах, худалдааны төвүүдээр явсан байж болзошгүй. Тандалт, судалгаан дээр мэргэжилтнүүд ажиллаж байна. Мөн аймгийн онцгой комисс хуралдаж наймдугаар сарын 22-ны 19 цагаас 23-ны 19 цаг хүртэл Есөнбулаг суманд хөл хорио тогтоох шийдвэр гаргалаа. Хэрэв шинжилгээний хариу тарваган тахал болох нь тогтоогдвол цаашдын арга хэмжээг авна” гэв.