Улсын аварга О.Хангай өнөөдөр Хан-Уул дүүрэгт байрлах Говь компанийн үйлдвэрийн дэлгүүрийн гадна талбайд иргэдийг  Ховд нутгийнхаа тарвасаар дайлж байна.

     Тэрбээр энэ үеэр “Аав минь сүүлийн 30 гаруй жил  Ховд нутагтаа газар тариалангийн ажил эрхэлсэн. Хүүхэд байхаасаа эхлэн аав, ээжийнхээ ажил тусалж, оролцсоор ирсэн. Сүүлийн хэдэн жил Ховд нутгийн тренд болсон тарвасыг Улаанбаатар хотын хэрэглэгчдэд түгээж, борлуулж байгаа.

  Энэ жилийн хувьд Ардын хувьсгалын 100, 101 жилийн ойн баяр наадам өргөн дэлгэр сайхан болж, Монгол Улсын аварга хэмээх эрхэм цолны эзэн болсон.

   Энэ ч утгаар бөхөд хайртай, монгол бөхөөрөө бахархаж, шимтэн үздэг ард иргэдтэйгээ нэг өдрийг өнгөрөөхийг хүссэн юм. Тарвас бол эрүүл мэндийн өндөр ач холбогдолтой жимс. Мөн өлссөн үед хоол, цангасан үед ундаа болдог зүйл. Өнөөдөр хүссэн хүн бүр хүрч ирэх боломжтой. Нэг килограмм ч тарвас үнээр нь худалдахгүй. Нийт зургаан тонн тарвас байгаа. Бүх хүнд үнэгүй үйлчилж байгаа” гэв.