Чингэлтэй дүүргийн 13 дугаар хороо, Сургуулийн 35 дугаар гудамжинд ачааны автомашин шатаж байна гэсэн дуудлага наймдугаар сарын 17-ны өдрийн 18:59 цагт ОБЕГ-т иржээ. Дуудлагын дагуу очиход иргэн Ш-ийн “Фусо” загварын крантай ачааны автомашин 50х80 метрийн хэмжээтэй барилгын суурийн ажил гүйцэтгэж байх явцад краны сум нь 10000 вольтын хүчдэлтэй цахилгаан дамжуулах агаарын шугамд хүрсэний улмаас Ш 58 настай, эрэгтэй, хамт ажиллаж байсан иргэн Б 57 настай, эрэгтэй, иргэн Ч 37 настай, эрэгтэй нар хүчдэлд цохиулж амиа алдсан байжээ. Цогцсыг тус дүүргийн Цагдаагийн хоёрдугаар хэлтсийн мөрдөгчид шилжүүлэн өгсөн байна.