УИХ-ын дарга Г.Занданшатарын тушаалаар ээлжит бус чуулгын 22-26-ны өдрүүдэд зарлалаа. Ингээд УИХ-ын дарга Г.Занданшатарын захирамжийг танилцуулж байна.
Монгол Улсын Үндсэн хуулийн Хорин долдугаар зүйлийн гурав дахь хэсэг, Монгол  Улсын Их Хурлын тухай хуулийн 14 дүгэр зүйлийн 14.1.2 дахь заалт, 19 дүгээр зүйлийн 19.1, 19.4,19.5 дахь хэсгийг үндэслэн ЗАХИРАМЖЛАХ нь:

1. Монгол Улсын Их Хурлын ээлжит бус чуулганыг 2022 оны наймдугаар сарын 22-ноос 26-ны өдрүүдэд зарлан хуралдуулж, дараах асуудлыг хэлэлцэхээр тогтоосугай.

• 1 Үндэсний аюулгүй байдлын зөвлөлийн мэдээлэл
• 2 Монгол Улсын Үндсэн хуулийн цэцийн 2022 оны хоёрдугаар тогтоолтой холбоотой асуудал
• 3 Цаг үеийн асуудлаарх мэдээлэл

2. Монгол Улсын Их Хурлын ээлжит бус чуулганы нэгдсэн хуралдааныг 2022 оны наймдугаар сарын 22-ны өдрийн Даваа гарагийн 10:00 цагт эхлэхээр товлосугай.
3. Монгол Улсын Их Хурлын ээлжит бус чуулганаар хэлэлцэх асуудлын бэлтгэл хангахыг Байнгын хороодын дарга нар болон Улсын Их Хурлын Тамгын газар (Л.Өлзийсайхан)-т даалгасугай.