Засгийн газрын ээлжит хуралдаанаас гарсан шийдвэрийн талаар Барилга, хот байгуулалтын сайд Б.Мөнхбаатар, Боловсрол, шинжлэх ухааны сайд Л.Энх-Амгалан нар мэдээлэл хийлээ.

        Энэ үеэр  БШУЯ-ны сайд Л.Энх-Амгалан “ЦХХХЯ-ны яамнаас Монгол Улсын “Үндэсний цахим шуудан”- гийн талаарх асуудлыг  засгийн газрын хуралдаанд оруулж, өнөөдрөөс нэвтрүүлж эхэллээ. “Үндэсний цахим шуудан”-д 16-гаас дээш насны хүмүүсийг “Emongolia” системээр дамжуулан имэйл хаягтай болгож байгаа.  Одоогийн байдлаар Монгол Улсад 3.8 сая иргэн байгаагаас ухаалаг гар утас хэрэглэдэг 1.5 сая иргэн “Emongolia” системийг ашигладаг гэсэн тоон мэдээлэл байгаа. “Үндэсний цахим шуудан”- гийн гол давуу тал нь иргэн төр хоёр шууд харилцдаг шинэ харилцааг бий болгож байгаа юм.  Өнөөдөр гадаад паспортынх нь хугацаа дууссан 61 мянга гаруй иргэнд таны паспортны хугацаа дууссан байна гэх мэдээллийг имэйлээр илгээнэ. Цаашдаа төрийн үйлчилгээг дараалал зогсож, байгууллагийн үүд сахихгүйгээр  гар  утсаараа дамжуулан өөрийн хүссэн бүх төрийн үйлчилгээ, санал хүсэлтээ имэйлээрээ илгээх системд Монгол Улс албан ёсоор шилжиж байна” гэлээ.