Булган аймгийн Сайхан сумын нутаг, Өрмийн цагаан нуурын эрэг дээр 2022 оны наймдугаар сарын 13, 14-ний өдөр “Айраг наадам 2022”-ыг зохион байгуулсан билээ. Тус наадмын Prius маркийн автомашин согтуу жолооч өсвөр насны дөрвөн хүүхдийг дайрч, гэмтэл учруулсан байна.

Энэ талаар сумын нэгдсэн эмнэлгийн эмч Б.Дуламаас дараах тодруулгыг авсан юм. Тэрбээр “Айраг наадам 2022” наадмын эхний өдөр зам тээврийн ноцтой осол гарсан. Дөрвөн сумын эмнэлэг хамтран ажиллаж байсан бөгөөд хүүхдүүдийн гурвыг нь аймгийн Нэгдсэн эмнэлэг рүү авч явсан. Одоогоор биеийн байдал гайгүй байгаа гэсэн. Жолоочийн талаар тодорхой мэдээлэл одоогоор байхгүй байна” гэх хариултыг өгсөн юм.

Мөн талаар энэ талаар Цагдаагийн байгууллагаас тодруулахад "Наймдугаар сарын 13-ны 22.00 цагийн орчимд Prius маркийн автомашин жолоодож авсан согтуу иргэн дөрвөн хүүхэд дайрсан хэрэг гарсан. Тус иргэн Булган аймгийн харьяат 33 настай эрэгтэй. Хүүхдүүд 15-аас 14 насны өсвөр үеийнхэн. Жолооч согтууруулах ундааны зүйл хэрэглэсэн байсан нь тогтоогдсон" гэв.