"Бөмбөрцгийн Сүмбэ" хүүхдийн байгууллагаас "Аюулыг авдарлая-1" уралдааныг 21 аймагт энэ сарын 16-наас есдүгээр сарын 16-ныг хүртэл хугацаанд зарлалаа. Хамгийн олон сав тамхины иш түүсэн аймгийг тодруулах юм. Уралдаанд оролцох аймаг, сумын иргэд нас, хүйс харгалзахгүй бөгөөд гурван гишүүнтэй нэг баг бүрдүүлэн оролцоно.
Шалгаруулах журам: Хамгийн олон сав тамхины иш түүсэн гурван багийг аймаг тус бүрд шалгаруулж, урамшуулж, алдаршуулна. Нэг баг хамгийн багадаа 30 сав иш түүх бөгөөд, нэг аймгаас таван баг оролцох боломжтой.

    Багууд есдүгээр сарын 16-ныг хүртэл Аймгийн Байгаль орчин аялал жуулчлалын газар, Байгаль орчны мэргэжилтэнд багийн нэрээ бүртгүүлэн цуглуулсан савтай ишээ тоолуулж хураалгана.

Шагналын сан: Аймаг тус бүр

• Тэргүүн байр: 200,000 төгрөг, ивээн тэтгэгчийн гарын бэлэг
• Хоёрдугаар байр: 150,000 төгрөг, ивээн тэтгэгчийн гарын бэлэг
• Гуравдугаар байр: 100,000 төгрөг, ивээн тэтгэгчийн гарын бэлэг