Богд хан ууланд төөрөөд сураггүй болсон иргэнийг эрэн хайж байна. Тодруулбал, Нийслэлийн Хан-Уул дүүргийн IV хороо, Богд хан уулын Нүхтийн-Ам гэдэг газар иргэн С наймдугаар сарын 14-ний өдрийн 23:00 цагийн үед гэр бүлийн хамт Богдхан ууланд зугаалж яваад сураггүй болсон тухай дуудлага наймдугаар сарын 15-ны өдрийн 05:18 цагт Нийслэлийн Аврах ангид иржээ.

      Дуудлагын дагуу Нийслэлийн Аврах анги, дүүргийн Цагдаагийн хэлтсийн алба хаагчид, ар гэрийнхэн иргэн 21 настай С-ийг наймдугаар сарын 15-ны өдрийн 05:47 цагаас 20:02 цаг хүртэл анх алга болсон газраас зүүн тийш Баруун ширээт, Арцатын-Ам гэдэг газар хүртэл 30 клометрт эрэн хайх ажиллагааг зохион байгуулсан бөгөөд одоогоор эрэн хайх ажиллагаа үргэлжилж байгаа аж.