Дарханы замын тендерт оролцсон ЗТЯ-ны нэр бүхий албан тушаалтнуудыг АТГ-аас шалгаж эхэлсэн талаар бид өмнө нь мэдээлсэн. Тэгвэл шалгалтын ажиллагааны талаар АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн хэвлэлд албан ёсны мэдээлэл өглөө.

                   Тэрбээр “ЗТХЯ болон холбогдох албан тушаалтнуудын орон байр, бусад шаардлагатай газар гэсэн 30 гаруй объектод нэгжлэгийг ажиллагааг явуулж байгаа. Өнөөдрийн хувьд шалгалтын ажиллагаа дөнгөж эхэлж байгаа учир албан тушаалтнуудын нэрийг олон нийтэд дэлгэх боломжгүй. Нэгжлэг хийх хангалттай үндэслэлтэй учир нэгжлэг хийж, мөрдөн шалгах ажиллагааг прокурорын зөвшөөрөлд үндэслэн явуулдаг. Хэрэгт холбогдох баримт бичиг байгаа гэж үзсэн учраас нэгжлэг хийж, шалгалтын ажиллагааг үргэлжлүүлж байна. Тендер сонгон шалгаруулах асуудалд холбоотой бүх албан тушаалтныг шалгаж байгаа” гэв.