Азийн хөгжлийн банкны зээлийн санхүүжилтээр хэрэгжиж буй МОН (3787/3788): “Тогтвортой аялал жуулчлалыг хөгжүүлэх төсөл”-ийн хүрээнд Хөвсгөл нуурын байгалийн цогцолборт газар болон Хатгал тосгонд гурван чиглэлд 37.9 км хатуу хучилттай авто зам, долоон байршлын авто зогсоолын барилгын ажил 2022 оны дөвөрдүгээр сарын 18-наас хийгдэж байна.

     Тус ажлын хүрээнд Хатгал-Жанхай-Тойлогт чиглэлийн 5.5 км авто замын мөнх цэвдэгтэй, намагтай ул хөрсөнд хөлдөлт гэсэлтийн давтамжийг дагуу агшилт тэлэлтийн хөдөлгөөн замын хийцэд нөлөөлөх нөлөөллийг багасгах, улмаар замын хучилтын хийцэд хэв гажилт, эвдрэл үүсэхээс сэргийлэх зорилгоор гео-торлог хязгаарлагч материалыг гео-нэхмэлтэй хослуулан ашиглах юм. Тухайлбал, гео-нэхмэлийг замын нийт уртад далангийн дээд үед дэвсэж, төгсгөлийн 4.1 км хэсэгт гео-торлог хязгаарлагчийг төлөвлөсөн бөгөөд тус материал нь Монгол Улсад өмнө нь зам барилгын салбарт ашиглагдаж байгаагүй шинээр туршиж буй технологи юм.