Засгийн газар Зам, тээврийн хөгжлийн яамтай хамтарч улсын хэмжээнд ажиллаж байгаа замын төлбөр авах цэгүүдийг цахимжуулах шийдвэрийг гаргалаа.

      Монгол Улс дахь олон улс, улсын чанартай авто замын нийт урт 15000 орчим км юм. Энэ замд төлбөр авах 35 цэг байдаг. Төлбөр авах цэгүүд цахимжаагүй учир орлогын хэмжээ тодорхойгүй байдаг.

Замын төлбөрт жил бүр арав орчим тэрбум төгрөг ордог. Бүрэн цахимжуулснаар орлого өндөр хувиар нэмэгдэх тооцоо гарсан. Цахимд  шилжсэнээр 35 цэгт ажиллаж буй хүмүүсийн орон тоо 30 хувиар буурна. Иргэдэд замын төлбөрийг QR код уншуулах болон картаар хийх нөхцлийг бүрдүүлнэ.