Монгол Улс энэ оны эхний долоон сарын байдлаар олон улсын санхүү, эдийн засгийн байгууллага, хандивлагч орны тусламжаар 24.4 сая ам.долларын бараа импортолжээ. Нийт тусламжийн барааг хандивлагч байгууллага, орноор нь ангилвал АНУ-д 26.8 хувь, Японд 21.6 хувь, Данид 6.9 хувь, БНХАУ-д 6.8 хувь ногдож байна.

Тэгвэл нийт зээлийн бараа, бүтээгдэхүүний дийлэнх хувийг Засгийн газрын шугамаар оруулж иржээ. Тухайлбал, БНЭУ-аас 25.7 хувь, БНХАУ-аас 24.9 хувь, Францаас 12.3 хувийг зээл авсан байна.

                       Олон улсын санхүү эдийн засгийн байгууллага, хандивлагч орны зээлээр 31.7 сая ам.долларын барааг тус улсад нийлүүлснээс барааг гарал  үүслийн улсаар нь авч үзвэл БНХАУ-д 37.3 хувь,  Энэтхэгт 25 хувь,  ОХУ-д 12 хувь, Францад 11.2 хувь тус тус ногдож байгаа юм. Харин нийт 50.1 сая ам.долларын бараа гадаадын хөрөнгө оруулалтаар нийлүүлэгдсэнээс барааг гарал үүслээр  авч үзвэл ОХУ-д 93.9 хувь, БНХАУ-д таван хувь ногдож байна