Монгол Улсын Ерөнхийлөгчийн ивээл дор “Чингис хааны ертөнц ба Монгол судлал” сэдэвт цогц арга хэмжээг 2022 оны наймдугаар сарын 5-10-ны өдрүүдэд Улаанбаатар хотноо зохион байгуулна. Энэ хүрээнд “Чингис хааны ертөнц ба Монгол судлал” олон улсын эрдэм шинжилгээний хурлыг зохион байгуулж, таван салбар хуралдаанаар 155 илтгэл хэлэлцүүлэх юм

Салбар судлагдахууныг:

•  “Монголын түүх, угсаатны судлал”,
•  “Монгол хэл, уран зохиол судлал”,
• “Монголчуудын соёлын ертөнц”,
•  “Монголчууд ба гадаад ертөнц”,
•  “Монголчуудын соёлын өв, археологийн судалгаа” сэдвээр зохион байгуулна.

            Цогц арга хэмжээнд 14 орны 54 монгол судлаач оролцох бөгөөд үндсэн хуралдаан 2022 оны наймдугаар сарын 06-ны өдөр Төрийн ордонд болно гэж Боловсрол, шинжлэх ухааны яамнаас мэдээллээ.