“Төрөөд сар болж байгаа хүүгээ өргүүлнэ. Авах хүн байвал аваарай. Тэжээж өсгөхөд бэрх байна” гэсэн зарыг “Улаанбаатар хотын хамгийн том зарын нэгдсэн групп”-т байршуулжээ.

    Үүнтэй холбоотойгоор Гэр бүл, хүүхэд, залуучуудын хөгжлийн газраас шалгалт явуулж байгаа юм. Тэгвэл бид уг хэргийг Цагдаагийн ерөнхий газраас тодруулахад “Мэдээлийг үнэн эсэхийг шалгаж байна. Зарын дагуу Гэр бүл, хүүхэд, залуучуудын хөгжлийн газартай хамтран шалгаж байна” гэв. Харин тус зарыг байршуулсан гэх хүүгийн ар гэр энэхүү зарыг тавиагүй хэмээн хэвлэл мэдээллийн хэрэгсэлд ханджээ. Тэд "зар тавиагүй ба гар утсаа алдсан" гэх тайлбарыг хэвлэлд дурдсан байна.