Усанд осолдсон эрэгтэйг эрэн хайж байна. Тодруулбал, Архангай аймгийн Өлзийт суманд зам, гүүрийн ажилд оролцож байсан хүн Орхон голын усанд живсэн тухай дуудлагыг тус аймгийн Онцгой байдлын газрын Эрэн хайх, аврах салбарын алба наймдугаар сарын 1-нд хүлээн авчээ.

Дуудлагын дагуу албан хаагчид тухайн газар очиход Орхон гол дээр шинээр гүүр угсралтын ажлыг гүйцэтгэж байсан иргэн С голын усан доторх гүүрний байгууламж дээр ажиллах явцдаа урсаж, живсэн байсан тул тус байгууллагын ажилчид, ар гэрийнхэнтэй хамтран эрэн хайх ажиллагааг зохион байгуулж байгаа аж.