Хөвсгөл аймгийн Тариалан сумын нутаг дахь Дулаанхан ууланд долдугаар сарын 29-ний 10:00 цагийн орчимд гурван том хүн, нэг хүүхэд жимс түүхээр гараад нэг хүн нь бусдаасаа төөрч, сураггүй болжээ. Энэ дуудлагыг долдугаар сарын 30-ны 17:10 цагт тус аймгийн Онцгой байдлын газрын Тариалан сум дахь Гал түймэр унтраах, аврах 46 дугаар анги хүлээн авсан байна. Тус дуудлагын дагуу аврах ангийн албан хаагчид очиж,  бусдаасаа төөрсөн Орхон аймгийн харьяат 40 настай, эмэгтэйг эрэн хайх ажиллагааг зохион байгуулжээ. Алантын-Ам гэдэг газарт айлын өвөлжөөнөөс эсэн мэнд олж, ар гэрийхэнд нь хүлээлгэн өгсөн байна.