Кино ертөнцийн шилдэг загвар зохион бүтээгчид

2022-07-31, 833

Бид бүхний сайн мэдэх “The Great Gatsby”, “Alice in Wonderland”, “The Devil Wears Prada” кинонуудын гол дүрүүдийн гоёмсог хувцсыг хэн бүтээсэн бол? Орчин үеийн шилдэг хувцасны дизайнеруудыг танилцуулж байна.

Милена Канонеро

Тэрбээр “The Godfather”, “Marie Antoinette”, “Paris Can Wait” кинонуудад зориулж дахин давтагдашгүй гоёмсог хувцас, өмсгөлүүд урлан бүтээсэн юм. Хамгийн сүүлд 2018 онд найруулагч Жак Одиярын “The Sisters Brothers” гэх XIX зууны Зэрлэг Барууны тухай өгүүлэх киноны хувцаснуудыг бүтээжээ.

Коллин Этвуд

Тэрбээр “Alice in Wonderland”, “Memoirs Of A Geisha”, “Edward Scissorhands”, “Sleepy Hollow”, “The Silence of the Lambs”, “Fantastic Beasts: The Crimes of Grindelwald” гэх бүтээлүүдэд хувцас хариуцсан дизайнераар ажилласан юм.

Александра Бирн

2010 оноос “Marvel” ертөнцийн кинонууд дээр ажиллаж эхэлснээс хойш нэр алдар нь улам л өсөж, дэлгэрсэн юм. Тэрээр Тор, Галактикийн хамгаалагчид, Доктор Стрэнж нарын ер бусын өмсгөлүүдийг урлан бүтээсэн дизайнер билээ.

Кэтрин Мартин

Кэтрин нөхрийнхөө алдарт “Moulin Rouge!”, “Australia”, “William Shakespeare's Romeo + Juliet” болон дэлхийг шуугиулсан “The Great Gatsby” уран бүтээлүүдийн хувцасны дизайнераар ажиллаад хоёр Оскарын шагнал, гурван BAFTA шагналыг хүртсэн билээ.

Майкл Каплан

Түүний бүтээсэн хувцаснуудыг та “Attack on Pearl Harbor”, “Fight Club”, “Star Wars”, “I Am Legend” гэх зэрэг кинонууд дээрээс харах боломжтой юм. Хэдий тэрээр адал явдалт кинонд илүү сонирхолтой ч, 2010 онд “Burlesque” мюзиклын Кристина Агилера, Шер нарын гоёмсог хувцаснуудыг хийсэн байна.

Кино ертөнцийн шилдэг загвар зохион бүтээгчид

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.