Булган аймгийн Тэшиг сумын Хужирт багийн Шинэ нисэхийн гудамж гэх газар байшин шатжээ. Тодруулбал, тус дуудлагыг өчигдөр 11:00 цагт аймгийн онцгой байдлын алба хүлээн авсан байна. Дуудлагын дагуу тус сумын Засаг даргаар ахлуулсан 100 хүн, 20 автомашинтай иргэн З-ын 9х5 метрийн хэмжээтэй байшин шатаж байсныг нэг цаг 40 минут ажиллаж 12:45 цагт гал түймрийг бүрэн унтраасан байна.

Харамсалтай нь гал түймэрт Б таван настай эмэгтэй,  Т гурван  настай эрэгтэй, Г нэг настай эмэгтэй нар өртөж нас барсан байна. Булган аймгийн Цагдаагийн газрын Мөрдөн байцаах тасгийн алба хаагчид, Онцгой байдлын газрын Гал түймрийн улсын хяналтын ахлах байцаагч мөн өдрийн 19:10 цагт очиж гал түймэр гарсан газарт үзлэг шалгалтыг зохион байгуулж ажиллажээ.