Говьсүмбэр аймгийн Сүмбэр сумын хоёрдугаар багийн Өлзийтийн гудамжинд Дундговь аймгийн харьяат Ч 57 настай, эмэгтэй нь 2022 оны долдугаар сарын 22-ны өдөр толгойн хэсэгтээ шархтай, гаднын нөлөөтэй нас барсан гэмт хэрэг бүртгэгдсэн.

     Уг хэргийг  З эрэгтэй  58 настай этгээд  үйлдсэнийг шалгалтын дүнд тогтоожээ. Сэжигтэн хэргийн газраас оргон зугтсан тул цагдаагийн байгууллагын алба хаагчид сэжигтэй этгээдийг эрэн сурвалжлах ажиллагааг зургаан хоногийн турш  явуулж өнөөдөр буюу 2022 оны долдугаар сарын 28-ны өдөр Төв аймгийн Батсүмбэр сумаас саатуулан мөрдөн шалгах ажиллагааг үргэлжлүүлж байна. Шалгалтын явцад сэжигтэн З  нь урьд өмнө хүчиндэх, хулгайлах, хүний биед хүнд гэмтэл учруулах зэрэг гэмт хэрэг үйлдэж, зургаан удаагийн ял шийтгэл эдэлж байсан байна.