Сүхбаатар аймгийн Түвшинширээ сумын Өлзийт багийн “Өлзийт хурд” галын нэрэмжит уралдаан өчигдөр болжээ. Энэ үеэр 10 настай охин мориноосоо унаж, амиа алдсан гэх мэдээлэл бий. Энэ талаар тус сумын ЗДТГ-ын мэргэжилтнээс тодрууллаа.

     Тэрбээр “Манай суманд өчигдөр “Өлзийт хурд” нэрэмжит хурдан морины уралдаан болсон.  Уг нь хязаалан, дааганы уралдаан болох байсан. Гэвч хязаалан насны морь унаж байсан 10 настай унаач мориноосоо унаж, яаралтай түргэн тусламж авч чадалгүй газар дээрээ амиа алдсан. Тиймээс уралдааныг зогсоосон. Талийгаач Уул-Баян сумын харьяат байсан. Өчигдөр хязаалан насны уралдаанд 68 морь давхих байсан” гэлээ.