Хан-Уул дүүрэгт  Биогийн гүүрний зүүн талд  Туул голд бага насны хүүхэд осолдсон тухай дуудлагыг  долдугаар сарын 25-нд 11 цагт Нийслэлийн Аврах ангийн алба хаагчид хүлээн авсан.  Тус дуудлагын дагуу очиход Баянгол дүүргийн харьяат Н, Х нар Туул голын эрэг дээр сууж байхад нь нохой дайрсны улмаас гол руу унасан байсан тул эрэн хайх ажиллагааг зохион байгуулсан.  Иргэн Н анх осолдсон газраас 40 метрийн зайд Биокомбинатын гүүрний тулгуур баганы суурь шороон дээр гарч эсэн мэнд байсныг олжээ. Мөн   4 настай эмэгтэй хүүхэд  Х анх осолдсон газраас баруун зүгт  хоёр км зайтай газар усны мандал дээр хөвж байсныг олж цогцсыг гарган тус дүүргийн Цагдаагийн II хэлтэст шилжүүлэн өгчээ.