Цэвэрлэх байгууламж болон, нефть боловсруулах үйлдвэр яаралтай барих, бусад шударга бус үйлдлийг таслан зогсоох шаардлагыг эмч О.Энхмаа холбогдох албан тушаалтнуудад хүргүүллээ. 

        Тэрбээр  "Монгол Улсад шударга ёсыг тогтоохын тулд АТГ-д нийтдээ есөн удаагийн гомдол гаргуулан, зургаан удаагийн хэрэг үүсгэсэн бол үүнээс таван хэргийг нь хааж, нэг хэргийг нь шүүхэд шилжүүлэхгүй байгаа асуудлаар УЕП Б.Жаргалсайханд шаардлага хүргүүлж байна. Учир нь яаралтай шударга ёсыг тогтоож шүүхэд шилжүүлэн, эмнэлэг сургууль, цэцэрлэгийн онцгой бүсийг хамгаалах хуулийн хэлэлцүүлэг хийх, мөн ард түмний эрх ашгийг зөрчиж, эрх мэдэл, албан тушаалаа урвуулан ашиглаж улсад маш их хор хохирол учруулж байгаа.

       Мөн Хүрэлсүх  ерөнхий сайд байхдаа нэг их наяд буюу нэг сая юаныг Хятадаас санхүүжүүлсэн. Үүнийг шалгуулж, цэвэрлэх байгууламжийг яагаад ашиглалтанд оруулахгүй байна, үйл ажиллагаа нь хэдэн хувийн биелэлттэй байгаа талаар АТГ-д 2020 оны есдүгээр сарын 24-ны өдөр гомдол гарган, хэрэг бүртгүүлж, хэрэг үүсгэсэн ч Нийслэлийн прокурорын газраас Пүрэвдагва гэдэг прокурор хаасан. АТГ миний гаргасан есөн хэргийн 60 хувь дээр нь ажилласан. Үүн дээр хэрэг үүссэн. Ялангуяа түлэнхийн эмнэлэгийн асуудлаар, засгийн газрын аравдугаар байрыг зарж намын дансруу шамшигдуулсан гэх энэ асуудлаар 200, 446 дугаартай хэрэг үүсгэсэн ч гэсэн нийслэлийн прокурор Пүрэвдагва хаасан. Авилгатай тэмцэх газраас 2015 оны наймдугаар сарын 15-ны өдөр дөрөвдүгээр амаржих газрын 9.7 тэрбумын санхүүжүүлэлтийг төсвийн хөрөнгөөр шамшигдсан газрын дээрмийн асуудлаар хэрэг үүсгэсэн. 2019 онд түлэнхийн эмнэлэгийн газрын дээрмийг 224, 446 дугаартай хэргээр хэрэг бүртгэлийн мөрдөн шалгах хэлтсээс АТГ-ын мөрдөн шалгах хэлтсийн Тулгабаатар комиссар болон Чинзориг комиссараар ахлуулсан ажлын хэсэг ажилласан. Тус хэргийг нийслэлийн прокуроор руу шилжүүлсэн боловч гурван удаа нээж,  хаасан. АТГ-ын дарга Дашдавааг шаардсаны үр дүнд тус хэрэг дахин сэргэж нийслэлийн прокурорт шилжсэн боловч та хохирогч, оролцогч биш учраас энэ хэргийг хаана гэдэг үндэслэлгүй үйл ажиллагаа явуулсан. Ийм учраас Сүхбаатар дүүргийн шүүхийн дарга Дэлгэрмаад 2021 оны 11 дүгээр сарын 20-ний өдөр шаардлага хүргүүлж тус хэргийг үүсгэж, шалгахыг уламжилсан. Үүнийг прокурорууд дэмжихгүй байгаа учраас улсын эмнэлэгий газрын дээрмийг өөхшүүлсэн. Ийм учраас улсын ерөнхий прокурорын газрын дарга Жаргалсайханд яаралтай арга хэмжээ авах шаардлагатай.

          Ёс зүйгүй, шударга ёсыг уландаа гишгэлж байгаа прокуроруудыг таслан зогсоож, ард түмний эрх ашгийг дээдлэх ёстой. 324 дугаартай хэрэг бүртгэлийг хаахаас татгалзсан Пүрэвдагва прокурорт тус хэрийг  дахин нээж шалгахыг шаардаж байна. 2020 оноос ковидын үеэр гаднаас орж ирсэн 2,6 их наядын санхүүжүүлтэнд шалгалт хийж АТГ хэрэг үүсгэсэн ч прокурорын газраас хаасаар байна. Эдгээр хэргүүд дээр дахин хяналт, шалгалт хийж, шударга ёсыг эрхэмлэхийг шаардаж байна" гэв.