Жэжү арлын цагаачлалын албанаас өнөөдрөөс эхлэн ор сураггүй алга болсон 22 монгол иргэнийг эрэл хайгуул хийж, албадан гаргах талаараа мэдэгджээ. Тодруулбал, өнгөрсөн зургадугаар сарын 22-ны өдөр Жэжү аралд эрүүл мэндийн аялал жуулчлалаар очсон Монгол Улсын 25 жуулчин аяллын хугацаагаа дуусгаад холбоо тасарч, сураггүй алга болсон.

  Тэдгээр иргэдийн визийн хугацаа долдугаар сарын 21-ний өдрөөр дуусгавар болж визний зөрчилтэй ангилалд багтаж буй юм. Тэдгээр иргэдээс гурав нь эх орондоо буцсан хэмээн Жэжү арлын Цагаачлалын албанаас мэдээлээд байгаа юм. Харин үлдсэн 22 монгол жуулчин одоог хүртэл холбоогүй байна.  Ингэснээр өнөөдрөөс эхлэн хууль бус оршин суугч болон хувирч байна.