Булган аймгийн Баруун тээрмийн тавилан гэдэг газарт малчин Д Сэлэнгэ мөрний усаар адуугаа гаргаж байгаад морьтойгоо осолдсон тухай дуудлагыг 16:25 цагт хүлээн авчээ.

   Тус аймгийн Онцгой байдлын газрын Эрэн хайх аврах, салбар,  Гал түймэр унтраах, аврах 50 дугаар ангийн  алба хаагчид болон ар гэрийнхэн долдугаар сарын 21-ний 06:00 цагаас 20:30 цаг хүртэлх хугацаанд иргэн Д-г эрэн хайх ажиллагааг явуулжээ. Хутаг багийн “Гуртын гүүр” гэдэг газраас зүүн зүгт Сэлэнгэ сум хүртэл 145 км-т, Сэлэнгэ мөрний усаар завиар урсаж,  гурван метрийн гүнд  гурван удаагийн шумбалт хийж, Баруун тэрмийн тавилангаас  зүүн зүгт Ацын тавилан гэдэг газар хүртэл  25 км-т голын эрэг дагуу явганаар болон морьтойгоор эрэн хайх ажиллагааг зохион байгуулсан. Долдугаар сарын 22-ний өдрийн 06:00 цагт эрэн хайх ажиллагааг эхлүүлэн, эрэн хайх ажиллагаа үргэлжилж байна.