ГССҮТ-ийн Нийгмийн эрүүл мэндийн албаны дэргэдэх Нэг цэгийн үйлчилгээний төвөөр 2021 байдлаар нийт 805 үйлчлүүлэгч гэр бүлийн хүчирхийлэлд өртөж  эрүүл мэндийн тусламж болон бусад шаардлагатай үйлчилгээ авчээ.

    2022 он гарсанаас хойш нийт 424 хүн авч бие махбодь, эдийн засаг,  сэтгэл санаа болон үл  хайхрах хэлбэрийн хүчирхийлэлд өртөж эрүүл мэндийн тусламж үйлчилгээ, амь нас аюулгүй байдлаа хамгаалуулахаар эмнэлгийн болоод түр хамгаалуулан байрлах үйлчилгээ аваад байна.

• Насанд хүрсэн эмэгтэйчүүд- 323

• Насанд хүрсэн эрэгтэй-35

• Хүүхэд-66 

            2022 онд нийт 11 аймагт сургалтыг хийхээр төлөвлөсөн бөгөөд эхний хагас жилийн байдлаар Архангай, Сүхбаатар, Дундговь, Увс, Сэлэнгэ, Ховд аймгийн (АНЭ, БОЭТ) нийт 150 эмч, эмнэлгийн мэргэжилтнүүдэд  гэр бүлийн хүчирхийллийг хэрхэн яаж эрт илрүүлэх, мэдээлэх, хариу арга хэмжээ авах чадавхи сайжруулах талаар сургалт амжилттай зохион байгууллаа.

Энэхүү сургалтыг зохион байгуулснаар эрүүл мэндийн салбар дахь эмч, эмнэлгийн мэргэжилтнүүдийн хуулиар хүлээх үүргийг эрчимжүүлж, гэр бүлийн хүчирхийлэлд өртсөн, өртөж болзошгүй хүнийг илрүүлэх болон осол гэмтэлд өртөхөөс урьдчилан сэргийлэх ач холбогдолтой юм.