Монгол Улсад жил бүр зохион байгуулагддаг “Хуур" хөгжмийн фестивалийг зохион байгуулагчдаас Америкийн реппер "Lil Pump" ирэх талаар мэдээлсэн. Гэсэн  ч иргэд "Lil Pump"-ын ирэх эсэхэд эргэлзэж байгаагаа цахим сүлжээгээр илэрхийлж, "XMF" наадмыг зохион байгуулагчдаас түүнийг хэзээ, ямар онгоцоор ирэх талаар мэдээлэх хүсэлт хүргүүлж байгаа юм.

Үүнтэй холбоотойгоор "XMF" наадмыг зохион байгуулах багийн мэргэжилтнээс тодруулахад “Манай фестиваль зургаа дахь жилдээ зохион байгуулагдах гэж байна. Өмнө "Хуур" хөгжмийн наадмыг хоёр дараалан зохион байгуулдаг байсан бол, энэ жил 10:00-03:00 цагийн хооронд болно. Бид тайз болон хөгжмийн дуугаралтыг хамгийн сайнаараа хийдэг. Тиймээс реппер "Lil Pump" ирж үзүүлбэр үзүүлэхэд асуудал байхгүй. Репперийн тоглолт болохоос нэг хоногийн өмнө ирэхээр төлөвлөсөн. "Lil Pump"-ын аюулгүй байдлын үүднээс түүнийг ямар онгоцоор, хэрхэн ирэх талаар мэдээлэхгүй" гэв.