Нийгмийн даатгалын сангаас 138 мянган хүнд 109 тэрбум төгрөгийн тэтгэмж олгожээ

2022-07-20, 676

Монгол Улсын нийгэм, эдийн засгийн статистик үзүүлэлтийг 2022 оны эхний хагас жилийн байдлаар Үндэсний Статистикийн Хорооноос танилцууллаа. Нийгмийн Даатгалын Ерөнхий Газрын өгсөн мэдээллээр энэ оны эхний хагас жилд нэг сая хүн даатгал төлжээ.

Энэ нь өмнөх оны мөн үеэс 68000-аар буюу долоон хувиар өссөн үзүүлэлт аж. Тодруулбал, даатгуулсан иргэдийн 87 хувь нь албан журмаар 13 хувь нь сайн дураар даатгалд хамрагджээ.

ҮСХ-ны ХАА, байгаль орчин, үйлдвэрлэлийн статистикийн хэлтсийн дарга Э.Мягмарханд "Энэ оны эхний хагас жилийн байдлаар Нийгмийн даатгалын сангийн орлого 1.6 их наяд төгрөг болж, өмнөх оны мөн үеэс 140 тэрбум төгрөгөөр буюу 9.4 хувиар өссөн. Харин зарлага 1.6 их наяд болж, өмнөх оны мөн үеэс 91 тэрбум төгрөг буюу 5.9 хувиар тус тус өссөн байна.

Нийгмийн даатгалын сангаас тэтгэвэр, тэтгэмж авч буй иргэдийн тоо энэ оны эхний хагас жилийн байдлаар 609,000 болж, өмнөх оны мөн үеэс 10 хувиар нэмэгджээ. Тодруулбал, хөдөлмөрийн чадвараа түр алдсаны тэтгэмжийг 2022 оны эхний хагас жил 89.3 мянган хүнд 16 тэрбум төгрөг олгосон. Энэ нь өмнөх оны мөн үеэс 45,000 хүнээр буюу хоёр дахин өссөн үзүүлэлт юм. Олгосон тэтгэврийн хэмжээ 4.8 тэрбум буюу 42.4 хувиар нэмэгдсэн нь гол нөлөөг үзүүлжээ.

Нийгмийн даатгалын сангаас эхний хагас жилийн байдлаар 472,000 хүнд 1.5 их наяд төгрөгийн тэтгэвэр олгосон бөгөөд тэтгэвэр авагчдын тоо 15.4 мянга буюу гурван хувиар өссөн байна.

Түүнчлэн олгосон тэтгэврийн хэмжээ 30 хувиар өсжээ. Энэ нь хоёр сард өндөр насны тэтгэвэр болон цэргийн тэтгэврийн хэмжээг нэмэгдүүлсэнтэй холбоотой.

Нийгмийн даатгалын сангаас 137.8 мянган хүнд 109.3 тэрбум төгрөгийн тэтгэмж олгосон байна" гэв.

Нийгмийн даатгалын сангаас 138 мянган хүнд 109 тэрбум төгрөгийн тэтгэмж олгожээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2022-07-20 22:39:08

Дарамханд: Асуух юм бна. Ямар утсаар ярьж болох бэ
Сэтгэгдэл үлдээсэн: 2022-07-20 22:39:06

Дарамханд: Асуух юм бна. Ямар утсаар ярьж болох бэ