Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын долоогийн даваа үргэлжилж байна. Энэ үеэр Сэлэнгэ аймгийн Цагааннуур сумын харьяат Б.Орхонбаяр улсын арслан Ц.Содномдоржоор долоо давж, улсын заан болсон.

 Тэрбээр цолоо гардасныхаа  дараа “Ардын хувьсгалын 100, 101 жилийнхээ ойгоор улсын заан цол хүртсэндээ баяртай байна. Миний хувьд энэ жил чөлөөт болон үндэсний бөхийг хослуулан бэлтгэлээ хийсэн. Сайхан жил байлаа. Монгол түмэндээ баяр наадмын мэнд дэвшүүлье” гэлээ.