Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн Үндэсний их баяр наадмын үндэсний бөхийн барилдааны наймын даваа дууслаа. Энэ үеэр Ховд аймгийн Зэрэг сумын харьяат улсын харцага Б.Бат-өлзий Монгол Улсын заан цол хүртэж баярын сэтгэгдлээ хуваалцлаа.

    Тэрбээр “Ардын хувьсгалын түүхэн 100,101 жилийн ой амжилттай сайхан болж байна. Түүхэн ойгоороо амжилттай сайхан баярлаж, долоо давж Монгол Улсын заан цол хүртсэндээ маш их баяртай байна. Намайг төрүүлж өсгөсөн аав, ээждээ болон Ховд нутгийнхаа ард түмэн, хань, найзууддаа баярлалаа. Улам их хичээх болно” гэв.