Үндэсний сурын харваанд эрэгтэй 360, эмэгтэй 180 нийт 540 шигшмэл харваач оролцон, цэц мэргэнээ сорьж байна.

        Баян-Өлгий аймгийн Буянт сумын уугуул, Тагнуулын ерөнхий газрын “Эрчис” клубын тамирчин, Гарамгай харваач Т.Очироо 40 сум харваж, 39  онож үндэсний их баяр наадамдаа  түрүүлж, Монгол Улсын мэргэн боллоо.

 Тэрбээр цолоо гардаж авсныхаа дараагаар “Ардын хувьсгалын 100, 101 жилийн ойн баяр наадамдаа төрүүлэх их хувь надад тохиосонд маш баяртай байна. Төрүүлж өсгөсөн аав, ээждээ баярлалаа. Би 2009 оноос эхлэн сур харваагаар хичээллэж эхэлсэн. Төрөлх нутаг ус болох Баян-Өлгий аймагтаа 12 жилийн дараа дахин улсын мэргэн цолыг авчирлаа” хэмээн сэтгэгдлээ хуваалцлаа.