Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хурдан соёолон насны морьд барианы зурхайд орж ирлээ.

     Хурдан соёолонд Хөвсгөл аймгийн Галт сумын уугуул, Дорноговь аймгийн Замын-Үүд сумын харьяат, аймгийн алдарт уяач Б.Отгонсэлэнгийн саарал үрээ аман хүзүүдэв.

Аймгийн алдарт уяач Б.Отгонсэлэнгэ сэтгэгдлээ хуваалцахдаа " Энэ жилийн наадам олныг хамарсан сайхан наадам болж, саарал үрээгээ аман хүзүүдүүлсэнд баяртай байна. Удам угшил нь Дорнод аймгийн н.Жаргалсайхан гэдэг хүний унаган адуу. Мөн энэ ташрамд, миний алтан босго болсон Дорноговь нутгийхаа нийт ард иргэдэд баяр наадмын мэнд дэвшүүлье" гэлээ.