Хөвсгөл нуурын баруун эрэг дагуу гурван хэсэгт нийт 37.9 км авто замын барилгын ажил хийгдэж байгаа билээ. Үүнд:

Нэгдүгээр хэсэг: Хатгалын төвөөс хуучин нисэх онгоцны буудал хүртэлх хоёр км авто замыг бүрэн хаасан тул өөр замаар зорчоорой.

Хоёрдугаар хэсэг: Онгоцны буудлаас Хатгал-Жанхай-Тойлогт чиглэлийн 30.4 км хатуу хайрган хучилттай авто замын барилгын ажлыг түр зогсоож, замын тэмдэг, тэмдэглээг байршуулж, замыг хусч тэгшлэн, зам арчлалтын ажил явагдаж байна.

Гуравдугаар хэсэг: Хатгалын төв замаас Хатгал-Хүзүүвчийн шил-Ашихай чигэлэлийн 5.5 км авто замын эхний 1.4 км замыг бүрэн хааж, түр зам гаргасан. 1.5 дахь км-ээс үндсэн замыг нээж, замын тэмдэг тэмдэглэгээ байршуулан, замыг хусч, зам арчлалтын ажлыг тус тус хийгээд байна.

     Иймд аялагч, амрагчид та бүхэн анхааруулах самбар, замын хөдөлгөөний тэмдэг, тэмдэгжүүлэлт байршуулсан хэсгүүдэд анхаарал болгоомжтой зорчиж, хөдөлгөөний аюулгүй байдлаа хангана уу.