Тулгар төрийн 2230, 2231 жил, Их Монгол Улс байгуулагдсаны 815, 816 жил, Үндэсний эрх чөлөө, тусгаар тогтнолоо сэргээн мандуулсны 110, 111  жил болон Ардын хувьсгалын 100, 101 жилийн ойн Үндэсний их баяр наадмын азарганы уралдаанд  283 азарга бүртгүүлснээс 202 нь гараанаас хөдөлж, барианы зурхайд ирлээ.

   Энэ жилийн азарганы уралдааны түрүү магнайд Төв аймгийн Баян сумын уяач Б.Нямжавын хээр азарга хурдаллаа. Ийнхүү Богд хээр азарга улсын баяр наадамд хоёр дахь удаагаа түрүүлж байгаа аж.

Аман хүзүү: Булган аймгийн Гурванбулаг сумын уяач Х.Аминхишигийн халзан азарга

Айргийн гурав:Өвөрхангай аймгийн Жужирт сумын уяач П.Батсайханы халзан азарга

Айргийн дөрөв: Завхан аймгийн Тосонцэнгэл сумын уяач Т.Галбадрахын хүрэн азарга

Айргийн  тав: Хөвсгөл аймгийн Цэцэрлэг сумын уяач Г.Батболдын халтар азарга хурдаллаа.

 Тэгш ой тохиосон үндэсний их баяр наадамдаа хурдан хүлгээ айргийн тавд уралдуулсан  уяач, унаач нартаа баяр хүргэе.