Тулгар төрийн 2231 жил, Их Монгол Улс байгуулагдсаны 816 жил, Ардын хувьсгалын 100, 101 жилийн ойн баяр наадмын хурдан морины уралдааны морьд барианы зурхайд орж ирлээ. Үүнтэй холбогдуулан морины салбар хорооноос айргийн тавд орсон хурдан морьдын талаар мэдээлэл хийлээ.

• Өвөрхангай аймгийн Хужирт сумын уугуул "Шунхлай групп"-ийн ерөнхийлөгч Пүрэвийн Батсайханы зээрд үрээ түрүүллээ. Энэ үрээг 800 дугаартай Цогтбаатарын Пүрэвбаатар гэдэг 12 настай хүүхэд унаж түрүүлсэн байна.
• Аман хүзүүнд Улаанбаатар хот Баянгол дүүрэн Далайн Батбаатарын хул үрээ аман хүзүүдсэн байна. Үрээг 525 дугаартай Буянтогтохын Баттөр найман настай хүү унасан.
• Айргийн гуравд Төв аймгийн Зуун мод сумын Самбуугийн Батдоржийн халтар үрээг 165 дугаартай Пүрэвсүрэнгийн Чингүүн унаж хурдалсан байна.
• Айргийн дөрөвт Дорнод аймгийн Хэрлэн сумын аймгийн алдарт уяач Сэлэнгэсайханы Галтын хонгор халзан хүрээ. Энэ үрээг 12 настай 963 дугаартай, Цагаанчулууны Улаанхүү унасан.
• Айргийн тавд Завхан аймгийн Цагаан чулуу сумын харьяат Монгол Улсын манлай уяач Балдоржийн Баярдоржийн хээр зүсмийн адуу айргийн тавд орсон. Үрээг 99 дугаартай Батбаярын Баттулга гэж 11 настай хүү хурдлуулсан байна.