Ардын хувьсгалын 100, 101 жилийн ойн баяр наадмын хурдан морины уралдаан шинэчлэгдсэн хуулийн дагуу зохион байгуулагдах гэж буйгаар онцлогтой. Энэ жилийн үндэсний их баяр наадмын хурдан морины уралдааныг зохион байгуулах дүрэмд морьдыг сэрвээний өндрөөр хэмжихээр заасан билээ. Ингэхдээ телевиз болон цахим хуудсуудаар шууд дамжуулж, олон нийтэд нээлттэй байдлаар хүргэхээр болсон. Шинэчлэгдсэн хуулиар Монгол үүлдрийн адууны санг бүрдүүлж дуустал ХХААХҮЯ, мэргэжлийн холбоодтой хамтран дүрэм баталж, тухайн жилийн баяр наадмыг зохион байгуулах юм. Тиймээс Хүй долоон худагт морины сэрвээний өндрөөр хэмжих таван төхөөрөмжийг суурилуулжээ. Ингэснээр мөн уралдаан эхлэх өдрөөс өмнө уяачид  морьдоо өөрсдөө хэмжих боломжтой бүрэлдэж буй аж.