Нийслэлийн Засаг дарга бөгөөд Улаанбаатар хотын захирагч Д.Сумъяабазар энэ оны зургадугаар сард Төв цэнгэлдэх хүрээлэнгийн 10.500 ширхэг сандлыг шинээр сольж байгаа талаар мэдээлсэн. Тэгвэл өнөөдөр Төв цэнгэлдэх хүрээлэнгийн сандал хүн сууж, хөлөө тавихааргүй, дундуур нь хүн явахааргүй чигжүү байрласан зураг цахим орчинд түгсэн. Иргэд ч “Энэ сандлыг хийсэн хүнд хариуцлага тооцмоор юм. Улсын төв цэнгэлдэх хүрээлэнгийн шинээр сольсон сандал ийм байх гэж” зэргээр шүүмжилсэн. Тэгвэл энэ талаар Нийслэлийн Засаг даргын тамгын газрын хэвлэлийн төлөөлөгч Н.Сугараас тодруулахад “Сандлыг бэхлэх гээд бэлтгэж байх үеийн зургийг цахим орчинд гаргаж тавиад, хүмүүс буруу ойлгоод шүүмжлэл үүссэн. Юу гэж тийм хүн суугаад хөлөө тавьж болохгүй зүйл хийх билээ. Энэ бол бэхлэх гээд бэлтгэж байх үеийн зураг. Бэхэлж, янзлаад ажиллаж байгаа. Бэхэлсэн үеийн зураг ч байгаа" гэв.