Зохиолч Д.Энхболдыг Монгол Улсын Соёлын гавьяат зүтгэлтэн цол тэмдгээр шагналаа.

    Тэрбээр  “Халуун говийн ард түмэн миний амьдрал ахуй, уран бүтээлийг минь олон жил хөгжүүлж ирлээ. Намайг урлагийн онгод хийморьтой төрүүлж өгсөн аав, ээждээ баярлалаа. Мөн хөдөлмөрийн алтан замыг минь засаж өгсөн монголын радиогийн хамт олондоо баярлалаа” гэлээ.

      СГЗ Д.Энхболд нь монголын хэвлэл мэдээлэл болон утга зохиолын салбарт 30 гаруй жил ажилласан туршлагатай. “Паанан”, “Соёо”, “Өвс ногоо аниргүй” зэрэг номыг хэвлэн гаргаж, монголын утга зохиолын салбарт үнэтэй хувь нэмэр оруулсан нэгэн билээ.