Монгол Улсын Ерөнхийлөгч баяр наадмын босгон дээр төрийн дээд одон медаль гардуулж байгаа билээ. Тэгвэл энэ үеэр Архангай аймгийн Хайрхан сумын малчин О.Доржийг Хөдөлмөрийн баатар цолоор шагналаа.

    Тэрбээр “Монгол Улсын төрийн ордноос малчин түмэндээ энэ өдрийн халуун мэндийг хүргэж байна. Өнөөдөр Монгол Улсын ерөнхийлөгч малчдыг төлөөлж надад Хөдөлмөрийн баатар гэсэн төрийн дээд одон медалиар шагнасан явдалд их баяртай байна. Би бол хийсэн ажилтай, хэлэх үгтэй, гадаахаа гэртээ оруулсан, гэртээ оруулснаа гаднаа бий болгочихсон ийм нэг малчдын нэг. Тэгээд төр энэ хөдөлмөрийг минь үнэллээ. Малчин түмэндээ мөн баярлаж байна. Олон мянган малчдынхаа амны билгээр өнөөдөр Монгол Улсын Хөдөлмөрийн баатар гэдэг нэр хүндтэй төрийн дээд шагнал авсандаа баярлаж байна. Монголынхоо нийт ард түмэн, малчиддаа баярлалаа гэж хэлье” гэв.