Зуны улиралд аялах, салхинд гарах үедээ гэртээ бэлтгэж авч явах боломжтой хоолны жоруудыг танилцуулж байна.

ХҮНСНИЙ НОГООГООР ХИЙСЭН ЧИПС

Орц:

• Ургамлын тос
• Лууван
• Паприка
• Нунтаг хар перец
• Цукини
• Хаш
• Хүрэн манжин
• Давс

Хийх арга:

    Ногоогоо бүгдийг нь угааж цэвэрлээд, нимгэн хэрчээд, дээрээс нь төрөл бүрийн амтлагчуудаа цацаж, ургамлын тосоо хийнэ. Тэгээд 200 градус хүртэл халаасан шарах шүүгээнд 25-30 минутын турш жигнээрэй.

БЛИНЧИК

Орц:

• сүү
• өндөг
• гурил
• сахар
• давс
• масло

Хийх арга:

   Өндгөө задалж хутгаад сүү, давс, сахар, зөөлрүүлсэн масло зэргээ нэмээд сайтар холино. Үүн дээрээ гурилаа нэмж хийгээд бөөн гурилгүй болтол нь сайтар хутгана. Хайруулын тавгаа маслоор арчаад зуурмагнаасаа бага багаар тасалж авч хийгээд зуурмагаа өөрөөр нь эргүүлж тарааж хоёр талаар нь хайрна. Цөцгий, жимсний чанамал зэргийг түрхээд идээрэй.

ГРЕК САЛАТ

Орц:

• Улаан лооль
• Өргөст хэмх
• Сонгино
• Ясгүй олив
• Фетакс бяслаг
• Оливын тос
• Амтат чинжүү
• Нимбэгийн шүүс
• Салатны байцаа
• Базилик
• Орегано

Хийх арга:

   Оливоос бусад бүх орцоо жижиг дөрвөлжин хэлбэртэйгээр зүсээд дээрээс нь амтлагч болон ургамлын тосоо нэмэхэд л таны зууш бэлэн болох юм.

УТСАН ГАХАЙН МАХТАЙ СЭНДВИЧ

Орц:

• Талх
• Бяслаг
• Утсан гахайн мах
• Улаан лооль
• Өргөст хэмх
• Сонгино
• Сүмс

Хийх арга:

   Сэндвичний талхыг хайруулын тавганд эсвэл тостерт хийж халаагаад дээрээс нь бяслаг, улаан лооль, утсан гахайн мах, өргөст хэмх, давс, перецээр амтална. Мөн бүх төрлийн хиам, бекон ч хийсэн болох бөгөөд та өөрийн хүссэн хавчуургаа сонгоорой.