Монгол Улсын Ерөнхийлөгч У.Хүрсэлсүх өнөөдөр салбартаа тэргүүлсэн эрхмүүдэд шагнал гардуулж байгаа билээ. Энэ үеэр МУҮУИТ-ын бүжигчин М.Бямбааг Хөдөлмөрийн гавьяаны улаан тугийн одонгоор шагналаа.

Тэрбээр “Бүжгийн урлаг гэдэг асаад унтрах галын дөл мэт маш богинохон залуу насны мэргэжил байдаг. Ид хийж бүтээж байгаа үед минь төр засаг өндрөөр үнэлж,Хөдөлмөрийн гавьяаны улаан тугийн одон медалиар шагнасанд баяртай байна. Цаашдаа олон сайхан зүйлийг хийж бүтээж, нийгэмдээ эерэг сайхан уран бүтээлээрээ та бүхэнтэйгээ уулзах болно. Үндэсний урлагийн их театрт 18 дахь жилдээ ажиллаж байна. Анх 16 настайдаа театртаа орж байлаа. Үндэсний урлагийн их театрын Сэвжидийн нэрэмжит бүжгийн чуулган маань намайг өлгийдөн авч, өдий зэрэгтэй бүжигчин болгосонд баярлаж байна. Энэ шагнал ганцхан минийх бус хамт олны минь шагнал юм шүү” гэв.